Brandit | COSMO Branding
გითამაშიათ ბილიარდი კოსმოსში?
ალბათ, ყველას გვიფიქრია ბილიარდის თამაშზე კოსმოსში, სადაც ბურთები პლანეტები იქნებოდა, ლუზა კი შავი ხვრელი. პლანეტები არა, მაგრამ მაღალი ხარისხის ბილიარდის მაგიდები და კიები ნამდვილად დაგხვდებათ ახლად გახსნილ საბილიარდოში „კოსმო“, რომელიც კანდელაკის 11 ნომერში, 15 ოქტომბერს გაიხსნა.
გახსნის ღონისძიებაზე „კოსმოს“ ბილიარდის ფედერაციის პრეზიდენტი – დავით ალექსიძედა ლეგენდარული ქართველი მოჭადრაკე – ნონა გაფრინდაშვილი ეწვივნენ. მათ საზეიმო ვითარებაში გაჭრეს „კოსმოს“ ლენტი და სამომავლოდ, „კოსმოში“ ბევრი საინტერესო ტურნირის გამართვაზეც ისაუბრეს.
აქ შეგვიძლია მეგობრებთან ერთად ვითამაშოთ ბილიარდი, მოვწრუპოთ ლუდი ან სხვა სასმელი. როგორც კომპანიის დირექტორმა, დავით ზაქარაიამ აღნიშნა, საბილიარდო შესანიშნავი გასართობია ნებისმიერი ასაკის ადამიანისთვის, რომელსაც სამსახურის მერე განტვირთვა სჭირდება და ესიამოვნება.
„სანამ საბილიარდოს გახსნის გადაწყვეტილებამდე მივიდოდით, კარგად შევისწავლეთ არსებული კონკურენტული გარემო და გაგვიჩნდა სურვილი, ბილიარდის მოყვარულთათვის შეგვეთავაზებინა უფრო მაღალი დონის მომსახურება, ხარისხიანი ბილიარდის მაგიდები და ინვენტარი. შესაბამისად, „კოსმოში“ მოსულ სტუმარს დახვდება პულის 9 ფუტიანი 9 მაგიდა. გარდა ამისა, გვაქვს ბარი, სადაც ჩვენი მომხმარებელი სნეკებისა და სასმელის შეკვეთას შეძლებს“- დავით ზაქარაია, „კოსმოს“ დირექტორი.
კომპანიის ბრენდინგზე და საკომუნიკაციო გეგმაზე მარკეტინგულმა/სარეკლამო სააგანტო Brandit-მა იმუშავა.
„ჩვენთვის, „კოსმოს“ პროექტზე მუშაობა ძალიან სასიამოვნო პროცესი იყო, კომპანიის საქმიანობიდან გამომდინარე, შევიმუშავეთ კონცეფცია და შევქმენით თანამედროვე მინიმალისტური ლოგო. სასიამოვნო იყო ის ფაქტი, რომ ჩვენი და კომპანიის წარმომადგენლების აზრებიც მალევე დაემთხვა ერთმანეთს. „კოსმოში“ ნამდვილად შესანიშნავი გარემოა ბილიარდის სათამაშოდ, ჩვენმა გუნდმა უკვე გამოსცადა ეს ყველაფერი. ასე რომ, ყველას გირჩევთ, ეწვიოთ „კოსმოს“კანდელაკის 11-ში და ისიამოვნოთ ამ სპორტის მიმდინარეობით. – გიორგი ბახუტაშვილი, „ბრენდითის“ კრეატიული დირექტორი.
როგორც უკვე ვახსენეთ, საბილიარდო „კოსმო“ თბილისში, კანდელაკის 11 ნომერში მდებაროებს და ბილიარდის მოყვარულებს 11:00 საათიდან ღამის 01:00 საათამდე უმასპინძლებს.
Brandit | COSMO Branding
წყარო Marketer.ge